48-Soorah-Fath-Aayaat-29

48-Soorah-Fath-Aayaat-29

48-Soorah-Fath-Aayaat-29

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

  

1

Ae Muhammad S.A.W. Ham Ne Tum Ko Fatah Di.Fatah Bhi Sareeh-O-Saaf.

2

Taa-Ake Khuda Tumhare Agle Aur Pichle Gunnah Bakhsh De Aur Tum Par Apni Naimat Poori Kar De Aur Tum Ko Seedhe Raste Chalaye.

3

Aur Khuda Tumhari Zabardast Madad Kare.

4

Wo Toh Hai Jis Ne Mominoun Ke Diloun Par Tasaali Nazil Farmayee Taa-Ake, Un Ke Eemaan Ke Sath Aur Eemaan Barhe. Aur Aasmanaoun Aur Zameen Ke Lashkar Sab Khuda Hi Ke Hain Aur Khuda Jaan-Ne Wala Aur Hikmat Wala Hai.

5

Ye Isliye Ke Wo Momin Mardoun Aur Momin Aurtoun Ko Behshatoun Main, Jin Ke Neeche Nehrain Beh Rahi Hain, Dakhil Kare, Wo Us Main Hamesha Rahainge Aur Un Se Un Ke Gunahoun Ko Door Kar De. Aur Ye Khuda Ke Nazdeek Bari Kaambyabi Hai.

6

Aur Is Liye Ke Munafiq Mardoun Aur Munafiq Aurton Aur Mushrik Mardoun Aur Mushrik Aurtoun Ko, Joh Khuda Ke Haq Main Bure Bure Khayal Rakhte Hain Azaab De. Un Hi Par Bure Haadse Waaqe Houn. Aur Khuda Un Par Ghusse Hua Aur Un Par Laanat Ki Aur Un Ke Liye Dozakh Taiyaar Ki. Aur Wo Buri Jaga Hai.

7

Aur Aasmanaoun Aur Zameen Ke Lashkar Khuda Hi Ke Hain. Aur Khuda Ghaalib Aur Hikmat Wala Hai.

8

Aur Ham Ne Ae Muhammam S.A.W. Tumko Haq Zahir Karne Wala Aur Khushkhabri Sunane Wala Aur Khof Dilane Wala Bana Kar Bhaija Hai.

9

Taa-Ake Musalmano Tum Loug Khuda Par Aur Us Ke Paighamar Par Eemaan Laao Aur Us Ki Madad Karo Aur Us Ko Buzurg Samjho. Aur Subh-O-Sham Us Ki Tasbeeh Karte Raho.

10

Joh Loug Tum Se Bait Karte Hain, Wo Khuda Se Bait Karte Hain. Khuda Ka Hath Un Ke Hathoun Par Hai. Phir Joh Ehed Ko Tore Toh Ehed Torne Ka Nuqsaan Ussi Ko Hai. Aur Joh Us Baat Ko Jis Ka Us Ne Khuda Se Ehed Kia Hai, Poora Kare Toh Wo Usse Anqareeb Ajar-E-Azeem De Ga.

11

Joh Ganwaar Peeche Rah Gaye, Wo Tum Se Kahainge Ke Ham Ko Hamare Maal Aur Ehl-O-Ayaal Ne Rok Rakha, Aap Hamare Liye Khuda Se Bakhshish Maangain. Ye Loug Apni Zaban Se Wo Baat Kehte Hain, Joh Un Ke Dil Main Nahi Hai. Keh Do Ke Agar Khuda Tum Lougn Ko Nuqsan Pohonchana Chahe, Ya Tumhain Faaida Pohonchane Ka Iraada Farmaye, Toh Koun Hai Joh Uske Samne Tumhare Liye Kisi Baat Ka Kuch Ikhtiyaar Rakhe, Koi Nahi Balke Joh Kuch Tum Karte Ho Khuda Us Se Waqif Hai.

12

Bat Ye Hai, Ke Tum Loug Ye Samajh Baithe The Ke Paigamabar Aur Momin Apne Ehl-O-Ayaal Main Kabhi Lout Kar Aane Hi Ke Nahi. Aur Ye Hi Baat Tumhare Diloun Ko Achi Maloom Hui. Aur Issi Waja Se Tum Ne Bure Bure Khayal Kiye Aur Aakhir Kaar Tum Halakat Main Par Gaye.

13

Aur Joh Shaks Khuda Par Aur Us Ke Paigambar Par Eemaan Na Laye Toh Ham Ne Aise Kafiroun Ke Liye Aag Taiyaar Kar Rakhi Hai.

14

Aur Aasmaanoun Aur Zmaeen Ki Baadshahi Khuda Ki Hi Hai. Wo Jisse Chahe Bakhshe Aur Jisse Chahe Saza De. Aur Khuda Bakhashne Wala Meherbaan Hai.

15

Jab Tum Loug Ganeematain Lene Chalo Ge, Toh Joh Loug Peeche Reh Gaye The, Wo Kahainge Hamain Bhi Ijazat Dijiye Ke Aap Ke Sath Chalain. Ye Chahte Hain Ke Khuda Ke Qoul Ko Badal Dain. Keh Do Ke Tum Har Gizz Hamare Sath Nahi Chal Sakte. Issi Tarha Khuda Ne Pehle Se Farma Dia Hai. Phir Kahain Ge Nahi Tum Toh Ham Se Hasad Karte Ho. Baat Ye Hai Ke Ye Loug Smajhte Hi Nahi Magar Bohot Kam.

16

Joh Ganwar Peeche Reh Gaye The Un Se Keh Do Ke Tum Jald Aik Sakht Jang Joo Qoum Ke Sath Laraaye Ke Liye Bulaye Jao Ge,  Un Se Tum Ya Toh Jang Karte Raho Ge Ya Wo Islam Le Aaye Ge. Agar Tum Hukum Mano Ge

Toh Khuda Tumko, Acha Badla De Ga.  Aur Agar Moonh Phair Loge Jaise Pehli Dafa Phaira Tha, Toh Wo Tum Ko Buri Takleef Ki Saza De Ga.

17

Na Toh Andhe Par Gunnah Hai, Ke Safar-E-Jang Se Peeche Reh Jaye Aur Na Langre Par Gunnah Hai Aur Na Bimaar Par Gunnah Hai. Aur Joh Shaksh Khuda Aur Us Ke Paigambar Ke Farman Par Chale Ga Khuda Us Ko Behshatoun Main Dakhil Kare Ga,  Jin Ke Tale Nehrain Beh Rahi Hain. Aur Joh Roo Gardaani Kare Ga Usse Bure Dukh Ki Saza De Ga.

18

Ae Paigamabar S.A.W. Jab Momin Tum Se Darakht Ke Neeche Bait Kar Rahe The Toh Khuda Un Se Khush Hua.Aur Joh Sidq-O-Khaloos Un Ke Diloun Main Tha, Wo Us Ne Maalom Kar Liya. Toh Un Par Tassalli Nazil Farmayee Aur Unhain Jald Fatah Inayat Ki.

19

Aur Bohot Si Ganaeematain Joh Unhoun Ne Hasil Keen. Aur Khuda Galib Hikmat Wala Hai.

20

Khuda Ne Tum Se Bohot Si Ganeematoun Ka Waada Farmaya Hai Ke Tum Un Ko Hasil Karo Ge, So Us Ne Ganeemat Ki Tumhare Liye Jaldi Farmayee Aur Lougon Ke Hath Tum Se Rok Diye. Gharz Ye Thi Ke Ye Mominoun Ke Liye Khuda Ki Qudrat Ka Namoona Ho Aur Wo Tum Ko Seedhe Raste Par Chalaye.

21

Aur Ghaneematain Dee , Jin Par Tum Qudrat Nahi Rakhte The Aur Wo Khuda Hi Ki Qudrat Main Theen. Aur Khuda Har Cheez Par Qadir Hai.

22

Aur Agar Tum Se Kafir Larte Toh Peeth Phair Kar Bhaag Jate Phir Kisi Ko Dost Na Paate Aur Na Madadgaar.

23

Ye Hi Khuda Ki Aadat Hai Joh Pehle Se Chali Aati Hai. Aur Tum Khuda Ki Aadat Kabhi Badalti Na Daikho Ge.

24

Aur Wo Hi Toh Hai Jis Ne Tum Ko Un Kaafiroun Par Fateh Yaab Karne Ke Baad, Sarhad-E-Makkah Main, Un Ke Hath Tum Se Aur Tumahre Hath Un Se Rok Diye. Aur Joh Kuch Tum Karte Ho Khuda Un Ko Daikh Raha Hai.

25

Ye Wo Hi Loug Hain. Jinhoun Ne Kufur Kia Aur Tum Ko Masjid-E-Haram Se Rok Dia Aur Qurbaaniyoun Ko Bhi, Ke Apni Jaga Pohonchne Se Ruki Rahain. Aur Agar Aise Musalmaan Mard Aur Musalmaan Aurtain Na Hoteen, Jin Ko Tum Jaante Na The, Ke Agar Tum Un Ko Paamaal Kar Dete, Toh Tum Ko Un Ki Taraf Se Be Khabri Main Nuqsan Pohonch Jata. Toh Bhi Tumhare Hath Se Fatha Ho Jati, Magar Takheer Isliye Hui, Ke Khuda Apni Rehmat Main Jis Ko Chahe Dakhil Kar Le. Aur Agar Dono Fareeq Alag Alag Ho Jate Toh Joh Un Main Kafir The Un Ko Ham Dukh Dene Wala Azaab Dete.

26

Jab Kafiroun Ne Apne Diloun Main Zidd Ki Aur Zidd Bhi Jahaliyat Ki. Toh Khuda Ne Apne Paigambar Aur Mominoun Par Apni Taraf Se Taskeen Nazil Farmaye Aur Un Ko Parhaizgaari Ki Bat Par Qaaim Rakha Aur Wo Ussi Ke Mustahiq Aur Ehel The. Aur Khuda Har Cheez Se Khabardar Hai.

27

Be Shak Khuda Ne Apne Paigamar Ko Sacha Aur Saheeh Khuab Dikhaya. Ke Tum, Khuda Ne Chaha Toh Masjid-E-Haram Main Apne Sar Mundwa Kar Aur Apne Baal Katarwa Kar Aman-O-Aman Se Dakhil Hoge. Aur Kisi Tarha Ka Khof Na Karo Ge. Joh Baat Tum Nahi Jante The Us Ko Maloom Thi, So Us Ne Us Se Pehle Hi Jald Fatah Kara Di.

28

Wo Hi Toh Hai Jis Ne Apne Paigambar Ko Hidayat Ki Kitaab Aur Deen-E-Haq De Kar Bhaija, Taa-Ake Us Ko Tamaam Deenoun Par Ghalib Kare. Aur Haqq Zahir Karne Ke Liye Khuda Hi Kafi Hai.

29

Muhammad S.A.W. Khuda Ke Paigamabar Hain, Aur Joh Loug Un Ke Sath Hain Wo Kafiroun Ke Haq Main Sakht Hain Aur Apas Main Rehem Dil , Ae Daikhne Wale Tu Un Ko Daikhta Hai, Ke Khuda Ke Aage Jhuke Hue Sar Ba Sajood Hain Aur Khuda Ke Fazal Aur Us Ki Khushnoodi Talab Kar Rahe Hain. Kasrat-E-Sajood Ke Asar Se Un Ki Paishaniyoun Par Nishaan Pare Hue Hain. Un Ke Ye Hi Ausaaf Tourat Main Marqoom Hain. Aur Ye Hi Ousaaf Injeel Main Hain. Wo Goya Aik Khaiti Hain, Jis Ne Pehle Zameen Se Apni Sooi Nikali Phir Us Ko Mazboot Kia, Phir Moti Hui Aur Phir Apni Naal Par Seedhi Khari Ho Gai Aur Lagi Khaiti Waloun Ko Khush Karne, Taa-Ake Kafiroun Ka Jee Jalaye. Joh Log Un Main Se Eemaan Laye Aur Naik Amal Karte Rahe, Un Se Khuda Ne Gunahoun Ki Bakhshish Aur Ajar-E-Azeem Ka Waada Kia Hai.

^^^^^^^^^^^^^^^^^^^^^^^^^^^^

Originally posted 2014-06-25 07:32:52.

4 thoughts on “48-Soorah-Fath-Aayaat-29

  1. I’m really enjoying the theme/form of your blog.
    Do you ever run into any browser compatibility problems?
    A handful of my blog readers have complained about my blog not operating correctly in Explorer but looks great in Chrome.
    Have you got any advice to help fix this problem?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

.