67-Soorah-Al-Mulk-Aayaat-30

Racer_Fashion

Racer_Fashion

67-Soorah-Al-Mulk-Aayaat-30

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

1

Wo Khuda, Jis Ke Hath Main Baadshahi Hai, Bari Barkat Wala Hai. Aur Wo Har Cheez Par Qaadir Hai.

2

Ussi Ne Mout Aur Zindagi Ko Paida Kia Taa-Ake Tumhari Aazmaaish Kare, Ke Tum Main Koun Ache Kaam Karta Hai. Aur Wo Zabardast Aur Bakhshne Wala Hai.

3

Us Ne Saat Aasmaan Oopar Tale Banaye. Ae Daikhne Wale Kia Tu Khuda-E-Rehmaan Ki Aafreenash Main Kuch Nuqs Daikhta Hai? Zara Aankh Utha Kar Daikh, Bhala Tujh Ko Aasmaan Main Koi Shigaaf Nazar Aata Hai?

4

Phir Dobaraba, Seh Bara(Two Times Three Times) Nazar Kar, Toh Nazar Har Baar Tere Paas Na Kaam Aur Thak Kar Lout Aaye Gi.

5

Aur Ham Ne Qareeb Ke Aasmaan Ko Taaroun Ke Chiraagoun Se Zeenat Di. Aur Un Ko Shaitaan Ke Maarne Ka Aala Banaya Aur un Ke Liye Dehekti Aag Ka Azaab Taiyaar Kar Rakha Hai.

6

Aur Jin Lougon Ne Apne Parwardigar Se Inkaar Kia, Un Ke Liye Jahannum Ka Azaab Hai. Aur Wo Bura Thikana Hai.

7

Jab Wo Us Main Daale Jayen Ge, Toh Us Ka Cheekhna Chilalna Sunain Ge, Aur Wo Josh Maar Rahi Hogi.

8

Goya Mare Josh Ke Phat Pare Gi. Jab Us Main Un Ki Koi Jamaat Daali Jaye Gi, Toh Dozakh Ke Darogha Un Se Poochain Ge, Tumhare Paas Koi Hidayat Karne Wala Nahi Aaya Tha?

9

Wo Kahain Ge Kion Nahi, Zaroor Hidayat Karne Wala Aya Tha Lekin Ham Ne Us Ko Jhutla Dia Aur Kaha Ke Khuda Ne Toh Koi Cheez Nazil Hi Nahi Ki. Tum Toh Bari Galti Mai Pare Hue Ho

10

Aur Kahain Ge, Agar Ham Sunte Ya Samajhte Hote Toh Dozakhiyoun Main Na Hote.

11

Pas Wo Apne Gunahoun Ka Iqraar Kar Lainge. So Dozakhiyoun Ke Liye Rehmat-E-Khuda Se, Doori Hai.

12

Aur Joh Loug Bin Daikhe Apne Parwardigar Se Darte Hain, Un Ke Liye Bakhshsish Aur Ajar-E-Azeem Hai.

13

Aur Tum Loug Baat Posheeda Kaho, Ya Zahir. Wo Dil Ke Bhaidoun Tak Se Waaqif Hai.

14

Bhala Jis Ne Paida Kia Wo Be Khabar Hai? Wo Toh Posheeda Baatoun Ko Jaan-Ne Wala Aur Har Cheez Se Aagaha Hai.

15

Wo Hi Toh Hai Jis Ne Tumhare Liye Zameen Ko Narm Kia, Toh Us Ki Raahoun Main Chalo Phiro Aur Khuda Ka Dia Hua Rizq Khao Aur Tum Ko Ussi Ke Pas Qabroun Se Nikal Kar Jaana Hai.

16

Kia Tum Is Se Joh Aasmaan Main Hai Be Khof Ho, Ke Tum Ko Zameen Main Dhansa De Aur Wo Us Waqt Harkat Kaarne Lage.

17

Kia Tum Us Se Joh Aasmaan Main Hai Nidar Ho, Ke Tum Par Kankar Bhari Hawa Chor De. So Tum Anqareeb Jaan Lo Ge Ke Mere  Darana Kaisa Hai.

18

Aur Joh Loug Un Se Pehle The Unhoun Ne Bhi Jhutlaya Tha, So Daikh Le Ke Mere Kaisa Azaab Hua.

19

Kia Unhoun Ne Apne Saroun Par Urte Hue Jaanwaorun Ko Nahi Daikha,  Joh Paroun Ko Phailaaye Rehte Hain Aur Un Ko Sukair Bhi Lete Hain. Khuda Ke Siwa Unhain Koi Thaam Nahi Sakta. Be Shak Wo Har Cheez Ko Daikh Raha Hai.

20

Bhala Aisa Koun Hai, Joh Tumhari Fouj Ho Kar Khuda Ke Siwa Tumhari Madad Kar Sake. Kafir Toh Dhoke Main Hain.

21

Bhaala Agar Wo Apna Rizq Band Kar Le, Toh Koun Hai Joh Tum Ko Rizq De?  Lekin Ye Sarkashi Aur Nafrat Main Phanse Hue Hain.

22

Bhala Joh Shakhs Chalta Hua Moonh Ke Bal Girr Parta Hai, Wo Seedhe Raaste Par Hai, Ya Wo Joh Seedhe Raaste Par Barabar Chal Raha Ho?

23

Kaho Wo Khuda Hi Toh Hai, Jis Ne Tum Ko Paida Kia. Aur Tumhare Kaan Aur Aankhain Aur Dil Banaye, Magar Tum Kam Ehsaan Maante Ho.

24

Keh Do Ke Wo Hi Hai Jis Ne Tum Ko Zameen Main Phailaya Aur Ussi Ke Ru Baru Tum Jama Kiye Jao Ge.

25

Aur Kafir Kehte Hain Ke, Agar Tum Sache Ho Toh Ye Waeed Kab Poori Hogi?

26

Keh Do Ke Is Ka Ilm Khuda Hi Ko Hai. Aur Main Toh Khol Khol Kar Dar Sunna Dene Wala Hoon.

27

So Jab Wo Daikh Lain Ge, Ke Wo Waada Qareeb Aa Gaya, Toh Kaafiroun Ke Moonh Bure Ho Jayen Ge Aur Un Se Kaha Jaye Ga, Ke Ye Wo Hi Hai Jis Ke Tum Khastgaar The.

28

Kaho Ke Bhala Daikho Toh, Agar Khuda Mujh Ko Aur Mere Saathiyoun Ko Halaak Kar De, Ya Ham Par Meherbani Kare. Toh Koun Hai Joh Kafiroun Ko Dukh Dene Wale Azab Se Pannah De?

29

Keh Do Ke Wo Joh Khdua-E-Rehman Hai, Ham Ussi Par Eemaan Laaye Aur Ussi Par Bharosa Rakhte Hain. Tum Ko Jald Maloom Ho Jaye Ga Ke Sareeh Gumrahi Main Koun Par Raha Tha.

30

Kaho Ke Bhala Daikho Toh Agar Tumhara Paani Joh Tum Peete Ho Aur Barat-Te Ho, Khushk Ho Jaye , Toh Khuda Ke Siwa Koun Hai Joh Tumhare Liye Sheereen Paani Ka Chashma Baha Laaye.

***********************************

Racer_Fashion

One response on “67-Soorah-Al-Mulk-Aayaat-30

  1. Anh

    Make use of the Control Solution only one time each day until your skin acclimates, and it is possible to go on to
    twice-per- day applications.

.
.
%d bloggers like this: